Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 712 Hüküm no: 1163 Orijinal metin no: [95b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hasan’ın kendisini yaralayıp parasının kaybolmasına sebep olan Seyyid Hüseyin ile bedeli karşılığında sulh olduğu Ma‘rûz; Fi’l-asl vilâyet-i Anadolu’da Karaman Ereğlisi kazâsı ahâlisinden olup medîne-i Üsküdar’da misâfiren sâkin es-Seyyid Hasan b. İbrahim nâm kimesne medîne-i mezbûrede mahfil-i bâbda meclis-i şer‘-i hatîrde es-Seyyid Hüseyin b. Mehmed mahzarında mezbûr es-Seyyid Hüseyin târih-i i‘lâmdan bir gün mukaddem medîne-i mezbûreye tâbi‘ Maltepe karyesi hâricinde bi-gayrı hakkın piştov kundağı ile başıma darb edip ve ol esnâda on guruşum zâyi‘ olmağla mûcib-i şer‘îsini taleb ederim deyü eylediği da‘vâsından bâ-tavassut-ı muslihîn sekiz guruş bedel-i makbûza mezbûr es-Seyyid Hüseyin ile sulh olup hakk-ı ta‘zîrine ve bi’l-cümle husûs-ı mezkûra müte‘allika âmme-i de‘âvîden mezbûr es-Seyyid Hüseyin’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî [10] min-B sene 1206