Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 716 Hüküm no: 1169 Orijinal metin no: [96a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Namahrem oldukları halde bir arada yakalananlara tazir cezası verilmesi Ma‘rûz; Medîne-i Üsküdar’da Selami mahallesinde mütemekkin Neccâr Bogos v. Ağya nâm zimmî kendiye nâ-mahrem ve ecnebî olan Takohi bt. Nikagos nâm Nasrâniye ile târih-i i‘lâm gecesi merkūm Bogos zimmî menzilinde icrâ-yı fısk içün cem‘ oldukları hâlde Bostanî Pilavcı Ahmed ma‘rifetiyle ahz ve meclis-i şer‘a ihzâr ve istintâk olunduklarında ber-vech-i muharrer icrâ-yı fısk içün cem‘ olduklarını her biri ikrâr etmeleriyle mûcebiyle merkūmândan her birilerine ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 28 min-Receb sene 1206