Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 716 Hüküm no: 1171 Orijinal metin no: [96a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahveci Ahmed ile Yahya’nın alacak verecek davasında sulh oldukları Ma‘rûz; Medîne-i Üsküdar’da Yeni Çeşme kurbünde Kahveci Ahmed b. İbrahim mahfil-i bâbda meclis-i şer‘-i hatîrde Yahya b. Kasım mahzarında mezbûr Yahya târih-i i‘lâmdan üç ay mukaddem yedimden istidâne ve kabz eylediği altmış guruşun yirmi guruşunu yedinden ahz ü kabz edip kırk guruş hakkım zimmetinde bâkī kalmağla taleb ederim deyü da‘vâ ve mezbûr Yahya müdde‘î-i mezbûrun kabzını mu‘terif olduğu yirmi guruşdan mâ‘adâ deyni olduğunu inkâr etmeğin müdde‘î-i mezbûr Ahmed ber-vech-i muharrer ziyâde müdde‘âsını beyân esnâsında bâ-tavassut-ı muslihîn yirmi guruş bedel-i makbûza sulh olup müdde‘î-i mezbûr Ahmed ziyâde müdde‘âsına müte‘allika âmme-i de‘âvîden mezbûr Yahya’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî-gurrei B sene 1206