Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 717 Hüküm no: 1172 Orijinal metin no: [96a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha Hanım’ın Fatma Hanım ve kocasından murabaha talebinde bulunmasının geçerli olmadığı Ma‘rûz; Medîne-i Üsküdar’da Vâlide-i Atik mahallesinde sâkine mu‘arrefetü’z-zât Zeliha bt. Abdullah nâm hatun medîne-i mezbûrede meclis-i şer‘-i hatîrde kezâlik zâtı mu‘arrefe Fatıma bt. Mehmed nâm hatun muvâcehesinde mezbûre Fatıma Hatun ve gāibetü ani’l-meclis zevci Mustafa Beşe b. Abdullah târih-i i‘lâmdan bir sene mukaddem yedimden istidâne eyledikleri elli guruşun beher şehr ellişer para murâbahasından bâkī dokuz guruş alacağım olup hatta zevcân-ı mezbûrân meblağ-ı bâkī-i merkūm dokuz guruş deyni olduklarını ikrâr ve bir kıt‘a temessük dahi i‘tâ etmeleriyle taleb ederim deyü takrîri üzere bilâ-devr-i murâbaha mutâlebesi meşrû‘a olmayıp mezbûre Zeliha Hatun bî-vech-i şer‘î mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-selhi B sene 1206