Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 717 Hüküm no: 1173 Orijinal metin no: [96a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Kosta’nın bıçakla yaralandığının tespit olunduğu Ma‘rûz; Bi’l-iltimâs kıbel-i şer‘-i şerîfden mürsel Kâtib Abdullah Efendi dâ‘îleri ve Kādı karyesi subaşısı medîne-i Üsküdar hâricinde Kalamış nâm mahâlde Osman Efendi Bağçesi’nde vâki‘ odaya varıp mazbûtü’l-esâmî Müslimîn huzûrlarında akd-i meclis-i şer‘-i şerîf etdikde bağçe-i mezkûrede Bağçevân Kosta v. Hıristo nâm zimmî meclis-i ma‘kūd-ı mezkûrda bağçe-i mezkûr kurbünde Bağçevân Tarso’nun hizmetkârı İstefan zimmî târih-i i‘lâmdan bir gün mukaddem vakt-i mağribde deryâ kenârında bi-gayrı hakkın amden bıçak ile sağ küreğim ucundan darb ve cerh etmekle kıbel-i şer‘den keşf ve mu‘âyene olunmak matlûbumdur dedikde merkūm Kosta zimmînin a‘zâsına nazar olundukda fi’l-hakīka sağ küreği ucundan bıçak yarasıyla mecrûh olduğu ba‘de’l-keşf ve’l-mu‘âyene vâki‘ hâli mezbûr dâ‘îleri mahâllinde ba‘de’t-tahrîr ve’l-inhâ bi’l-iltimâs huzûr-ı âlîlerine i‘lâm olundu. Fî 7 min-Ş sene 1206