Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 719 Hüküm no: 1176 Orijinal metin no: [96b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Feyzullah’ın Abdülkerim Efendi’den alacaklı olduğu yolundaki iddiasını ispatlayamadığı Ma‘rûz; Mahrûse-i Galata’ya muzâfe Kasımpaşa kasabasında Yeldeğirmeni mahallesinde sâkin sâhib-i arzuhâl Ali b. el-Hâc Feyzullah medîne-i Üsküdar’da mahfil-i bâbda meclis-i şer‘-i hatîrde derûn-ı arzuhâlde mezkûrü’l-ism Abdülkerim Efendi b. Mustafa mahzarında mezbûr Abdülkerim Efendi târih-i i‘lâmdan iki sene mukaddem yedimden iştirâ ve kabz eylediği fiyâtı beynimizde ma‘lûm iki yüz on üç çeki hatab semeninden bâkī yüz otuz üç guruş hakkımı taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyana kādir olamayıp talebiyle mezbûr Abdülkerim Efendi gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr Abdülkerim Efendi’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 3 min-Ş sene 1206