Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 720 Hüküm no: 1178 Orijinal metin no: [96b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Ahmed’in Mustafa b. Halil’den alacaklı olduğu yolundaki iddiasını ispatlayamadığı Ma‘rûz; Fi’l-asl vilâyet-i Anadolu’da Çerkeş kazâsına tâbi‘ Çürgen? karyesi ahâlisinden medîne-i Üsküdar’da Büyük İskele’de sâkin Hüseyin b. Ahmed medîne-i mezbûrede meclis-i şer‘-i hatîrde Mustafa b. Halil mahzarında mezbûr Mustafa târih-i i‘lâmdan üç sene mukaddem mezbûra beş buçuk guruş deynim olup ehl-i örf tâifesinden kazâ-i mezbûr a‘yânı gāib ani’l-beled Bekir nâm kimesneye mektûb ile tahsîlini havâle, ol dahi benden deyn-i meblağ-ı merkūmu tahsîl eylediğinden gayri habs ve yirmi sekiz guruş kıymetli sekiz aded keçimi ahz ve tecrîm etdirmeye mezbûr Mustafa sebeb olmağla yirmi sekiz guruşu bi-hükmi’d-damân taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân ve isbât edemeyip bi’t-taleb mezbûr Mustafa gıbbe’t-tahlîfi’ş-şer‘î mûcebiyle müdde‘î-i mezbûr Hüseyin husûs-ı mezkûrda mezbûr Mustafa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 11 min-Şa‘bân sene 1206