Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 721 Hüküm no: 1180 Orijinal metin no: [97a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Parsih v. Arakil’in borcunu ödemesi Ma‘rûz; Medîne-i Üsküdar’da Yenimahalle’de mütemekkin Bogos v. Sahak, mahfil-i bâbda meclis-i şer‘-i hatîrde Parsih v. Arakil nâm zimmî muvâcehesinde merkūm Parsih ile bundan akdem kerestecilik san‘atında şerîk olup târih-i i‘lâmdan beş sene mukaddem hesâbımızı sahîhan rü’yet ve fesh-i şirket eylediğimizde hîn-i şirketde ale’l-iştirâki’s-seviyy âhardan istidâne ve kabz eylediğimiz yedi yüz otuz dört guruşdan hissesine isâbet eden üç yüz altmış yedi guruşa bi’l-emr ve’l-kabûl kefîl ve kefâletime binâen edâ eylediğim meblağ-ı merkūm üç yüz altmış yedi guruş ile cihet-i karzdan dahi iki yüz elli guruş ki cem‘an altı yüz on yedi guruş hâlâ zimmetinde olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm altı yüz on yedi guruşun edâsıyla merkūm Parsih zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 11 min-Şa‘bân sene 1206