Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 722 Hüküm no: 1181 Orijinal metin no: [97a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Ağa b. Ömer’in borcunu ödemesi Ma‘rûz; Medîne-i Üsküdar’da Meyyitkapısı kurbünde bakkāl dükkânında mütemekkin Anton v. Yorgaki nâm zimmî mahfil-i bâbda meclis-i şer‘-i hatîrde Süleyman Ağa b. Ömer nâm kimesne mahzarında mezbûr Süleyman Ağa târih-i i‘lâmdan üç ay mukaddem yedimden iştirâ ve kabz eylediği vezn ve fiyâtı beynimizde ma‘lûm ecnâs-ı zehâir semeninden dokuz guruş on sekiz paranın on sekiz parasını ahz ve dokuz guruşu mezbûr Süleyman Ağa zimmetinde kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını beyân ve isbâta kādir olamayıp bi’t-taleb mezbûr Süleyman Ağa gıbbe’t-tahlîfi’ş-şer‘î mûcebiyle müdde‘î-i merkūm husûs-ı mezkûrda mezbûr Süleyman Ağa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 8 min-Ş sene 1206