Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 723 Hüküm no: 1184 Orijinal metin no: [97b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın izinsiz aldığı kocasına ait eşyaları iade etmesi Ma‘rûz; Medîne-i Üsküdar’da Kefçe mahallesinde sâkin İsmail Ağa b. Halil medîne-i mezbûrede mahfil-i bâbda meclis-i şer‘-i hatîrde hâlâ zevcesi mu‘arrefetü’z-zât Âişe bt. Hüseyin mahzarında târih-i i‘lâmdan on gün mukaddem mezbûr Âişe Hatun benim izin ve icâzetim yoğiken emlâkimden beş yasdık ve bir döşek ve bir mangal ve iki yorgan ma‘a çârşeb ve bir döşek çarşafı ve bir baş yasdığı ve bir yüz yasdığı ve iki çuka mak‘ad ve bir kaliçe ve bir leğen ma‘a ibrik ve bir tencere ve bir sahan ve bir şamdan ve bir hasır ve bir hançer ve bir mangal tahtası ve bir kahve ibriğimi işbu hâzır bi’l-meclis karındaşıoğlu Eyüb nâm kimesnenin menziline hufyeten nakl ve hâlâ a‘yânı yedinde mevcûd olmağla zikr olunan eşyâyı bana teslîme tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcebiyle eşyâ-i muharrere-i mezkûreyi bi-a‘yânihâ zevci müdde‘î-i mezbûra teslîme mezbûre Âişe Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 29 min-Receb sene 1206