Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 724 Hüküm no: 1185 Orijinal metin no: [97b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm Hanım’ın boşandığı kocasından mehrini almış olduğu Ma‘rûz; Mahmiye-i İslâmbol’da Edirnekapısı kurbünde Yeniçeşme’de sâkine ve zâtı mu‘arrefe Ümmügülsüm bt. Mehmed nâm hatun medîne-i Üsküdar’da mahfil-i bâbda meclis-i şer‘-i hatîrde zevc-i sâbıkı Mehmed b. Yusuf mahzarında mezbûr Mehmed yirmi guruş mehr-i müeccel tesmiyesiyle zevcim olup târih-i i‘lâmdan üç sene mukaddem beni tatlîk etmekle mehr-i mezkûremi taleb ederim deyü da‘vâ ol dahi cevâbında fi’l-hakīka müdde‘iye-i merkūme ol-mikdâr mehr ile zevcesi olup tatlîkini ikrâr lâkin hîn-i tatlîkde mehr-i mezkûra ve hukūk-ı zevciyete müte‘allika âmme-i de‘âvîden zimmetimi ibrâ etmiş idi deyü eylediği def‘ini müdde‘iye-i mezbûre mukırra ve mu‘terife olmağın mûcebiyle müdde‘iye-i mezbûre da‘vâ-yı mezkûresiyle mezbûr Mehmed’e bî-vech-i şer‘î mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 16 min-Ş sene 1206