Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 725 Hüküm no: 1187 Orijinal metin no: [97b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karısı Emine Hanım’ın Evliya Hoca Mescidi Vakfı’ndan aldığı borca kefil olan Mehmed Enis Efendi’nin anılan borcu ödemesi Ma‘rûz; Medîne-i Üsküdar’da vâki‘ merhûm Evliyâhoca Mescid-i şerîfi Vakfı’nın Mütevellîsi es-Seyyid Hafız Mehmed Efendi b. el-merhûm es-Seyyid el-Hâc Osman Efendi medîne-i mezbûrede mahfil-i bâbda meclis-i şer‘-i hatîrde es-Seyyid eş-Şeyh Mehmed Enis Efendi b. es-Seyyid eş-Şeyh Mehmed Efendi mahzarında mezbûr es-Seyyid eş-Şeyh Mehmed Enis Efendi’nin zevcesi gāibetü ani’l-meclis Emine bt. el-Hâc Ahmed nâm hatun bin iki yüz üç senesi Muharremi’l-harâm’ının gurresi târihiyle müverrah işbu yedimde olan bir kıt‘a temessük nâtık olduğu üzere mâl-ı vakf-ı mezbûrdan olmak üzere yedimden bi-tarîkı[‘l-] istidâne ve kabz eylediği doksan guruş vakf-ı mezbûra zimmetinde deyni olup işbu mezbûr es-Seyyid eş-Şeyh Mehmed Enis Efendi meblağ-ı merkūmun edâsına tarafeynden bi’l-emr ve’l-kabûl ve dâmin olmağla meblağ-ı merkūm doksan guruşu mezbûr es-Seyyid eş-Şeyh Mehmed Enis Efendi’den taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm doksan guruşun edâsıyla mezbûr es-Seyyid eş-Şeyh Mehmed Enis Efendi şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 18 min-Ş sene 1206