Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 725 Hüküm no: 1188 Orijinal metin no: [97b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Turşucu Halil’in borcunu ödemesi Ma‘rûz; Vilâyet-i Anadolu’da Kengiri sancağında vâki‘ Çerkeş kazâsına tâbi‘ Çukuran karyesinde sâkin Ahmed b. Ali nâm kimesne tarafından ber-vech-i âtî vekîl olduğu Mustafa b. Receb ve Ali b. Ali şehâdetleriyle sâbit olan Mehmed b. Hüseyin nâm kimesne meclis-i şer‘-i hatîrde Turşucu Halil b. Ali mahzarında müvekkilim mezbûr Ahmed’in mezbûr Halil zimmetinde cihet-i karzdan bâ-temessük on guruş hakkı olmağla mezbûr Halil’den bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihi meblağ-ı merkūm on guruşun edâsıyla mezbûr Halil şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 21 min-Ş sene 1206