Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 727 Hüküm no: 1192 Orijinal metin no: [98a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin’in Eskici Serkiz’den alacağının tahsili Ma‘rûz; Medîne-i Üsküdar’da Kefçe mahallesinde sâkin Mehmed Emin b. İbrahim nâm kimesne mahfil-i bâbda meclis-i şer‘-i hatîrde Eskici Serkiz v. Karabet zimmî muvâcehesinde merkūm Serkiz zimmî zimmetinde karz-ı şer‘îden hakkım olan yüz guruşun on beş guruşunu yedinden ahz bâkī seksen dört buçuk guruşu taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihi meblağ-ı bâkī-i merkūm seksen dört buçuk guruşun edâsıyla merkūm Karabet zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 29 min-Ş sene 1206