Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 728 Hüküm no: 1194 Orijinal metin no: [98a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Mehmed’in borcunu ödemesi Ma‘rûz; Mahmiye-i İslâmbol’da Bartur Paşa Hanı’nda? sâkin es-Seyyid Halil b. Halil nâm kimesne medîne-i Üsküdar’da mahfil-i bâbda meclis-i şer‘-i hatîrde Osman b. Mehmed mahzarında mezbûr Osman târih-i i‘lâmdan yirmi beş gün mukaddem yedimden iktirâz ve kabz eylediği otuz beş guruş hakkımın yirmi iki buçuk guruşunu vilâyet-i Anadolu’da Konya kasabasından medîne-i mezbûreye gelince bârgir ücretine ve sâir mesârife ba‘de’l-mahsûb ve’t-takas ziyâde on iki buçuk guruş zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on iki buçuk guruşun edâsıyla mezbûr Osman şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 23 min-Ş sene 1206