Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 729 Hüküm no: 1197 Orijinal metin no: [98b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın nizama aykırı poğaça satmaktan vazgeçtiği Ma‘rûz; Medîne-i Üsküdar’da vâki‘ çörekciler esnâfının kethudâları Mustafa b. Hüseyin ve Abdurrahman b. İbrahim ve Hafız Ali b. Süleyman ve Abdullah Usta b. Ahmed ve diğer Abdullah b. Hüseyin ve es-Seyyid Ahmed b. Mustafa ve Ali Usta b. İbrahim nâm kimesneler meclis-i şer‘-i hatîrde koltukcu tâifesinden es-Seyyid Mustafa b. Ali muvâcehesinde mezbûr es-Seyyid Mustafa kendi tabhıyla hânesinde çörek ve boğaça yapıp çarşı ve pazarlarda dükkân önünde tablasını koyup boğaça bey‘ edip nizâm-ı kadîmimizin ihtilâline bâ‘is ü bâdî olur deyü teşekkî etdiklerinde ol dahi fî-mâ ba‘d esnâf-ı mezkûrenin hilâf-ı mugāyir-i nizâm-ı kadîm dükkânları önünde tabla koyup boğaça bey‘ etmemek üzere ta‘ahhüd ve esnâf-ı mezkûre dahi râzı olup bu vechile beynleri ıslâh olunduğu bi’l-iltimâs huzûr-ı âlîlerine i‘lâm olundu. Fî [26 min-Ş sene 1206]