Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 730 Hüküm no: 1199 Orijinal metin no: [98b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kosta v. Hıristo’yu yaralayan İstefan’ın diyetini ödediği Ma‘rûz; Medîne-i Üsküdar’da Kādı karyesi hâricinde vâki‘ Osman Efendi Bağçesi’nde mütemekkin olup vech-i âtî üzere mecrûh idiği lede’l-keşf ve’l-mu‘âyene zâhir olan Kosta v. Hıristo nâm zimmînin karındaşı ve tarafından vech-i âtî üzere vekîl olduğu Arnabud Abdullah Beşe b. Osman ve Arnabud Hüseyin Beşe b. Osman nâm kimesneler şehâdetleriyle sâbit olan Vasil v. el-merkūm Hıristo medîne-i mezbûrede meclis-i şer‘-i hatîrde İstefan v. Yorgi nâm zimmî muvâcehesinde merkūm İstefan zimmî târih-i i‘lâmdan on gün mukaddem bağçe-i merkūme kurbünde leb-i deryâda vakt-i mağribde bıçak ile amden karındaşım müvekkil-i merkūm Kosta zimmîyi sağ küreği ucundan darb ve cerh etmekle mûcib-i şer‘îsini taleb ederim deyü tasaddî eylediği da‘vâsından an-inkârin kırk beş guruş bedel-i makbûza sulh olup cerh-i mezkûra ve mâ-yuhdesü minhe müte‘allika âmme-i de‘âvîden merkūm İstefan zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri tescîl ve bi’l-iltimâs huzûr-ı âlîlerine i‘lâm olundu. Fî 17 min-Ş sene 1206