Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 730 Hüküm no: 1200 Orijinal metin no: [98b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Abdullah’ın vekâlet ücretini aldığı Ma‘rûz; Medîne-i Üsküdar’da Sinanpaşa mahallesinde İhsâniye nâm mahâlde sâkin Hüseyin b. Abdullah nâm kimesne meclis-i şer‘-i hatîrde Mehmed Emin b. Mehmed mahzarında mezbûr Mehmed Emin mahalle-i mezbûrede vâki‘ câmi‘-i şerîfde ve mektebde imâm ve hoca olup imâmet ve hocalık hizmetini rü’yet içün beni tarafından vekîl ben dahi vekâleten hizmetini rü’yet edip hâlâ beni vekâletden ihrâc etmekle iki senelik mekteb ücretinden bâkī kalan yirmi beş guruş hakkımı taleb ederim deyü eylediği da‘vâsından bâ-tavassut-ı muslihîn on iki buçuk guruş bedel-i makbûz mukābelesinde mezbûr Mehmed Emin ile sulh olup ziyâde on iki buçuk guruşa müte‘allika âmme-i de‘âvîden mezbûr Mehmed Emin’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 25 min-Ş sene 1206