Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 732 Hüküm no: 1204 Orijinal metin no: [99a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. İbrahim’in borcunu ödemesi Ma‘rûz; Medîne-i Üsküdar’da Bulgurlu mahallesinde sâkin rencber tâifesinin dayı ta‘bîr olunur reisleri olan Arnabud Hamza b. Osman medîne-i mezbûrede mahfil-i bâbda meclis-i şer‘-i hatîrde Hüseyin b. İbrahim mahzarında bundan akdem mezbûr Hüseyin’in bi-şarti’r-rücû‘ emriyle gāib ani’l-meclis el-Hâc İbrahim nâm kimesnenin beynimizde ma‘lûm bağının tımarı ücretinden on iki guruş hakkımın iki guruşunu yedinden ahz ve bâkī on guruşunu mezbûr Hüseyin’in emrine binâen taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını Ahmed b. Osman ve Süleyman b. Ali nâm kimesneler şehâdetleriyle muvâcehesinde isbât etmeğin mûcebiyle meblağ-ı bâkī-i merkūm on guruşu müdde‘î-i mezbûra edâ ve teslîme mezbûr Hüseyin’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 5 min-N sene 1206