Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 732 Hüküm no: 1205 Orijinal metin no: [99a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Veznedar İbrahim’in borcunu ödemesi Ma‘rûz; Medîne-i Üsküdar’da Gerede mahallesi sükkânından Mehmed Kadri Efendi b. el-Hâc Hüseyin Efendi medîne-i mezbûre bâb mahkemesinde meclis-i şer‘-i hatîrde Veznedâr İbrahim b. Ömer nâm kimesne mahzarında mezbûr İbrahim işbu bin iki yüz altı senesi Şa‘bân’ının yirmi beşinci günü târihiyle müverrah yedime i‘tâ eylediği temessük mantûkunca cihet-i karzdan hakkım olan iki yüz guruşun on iki guruşunu mezbûr İbrahim yedinden ahz ü kabz edip yüz seksen sekiz guruşu zimmetinde bâkī kalmağla hâlâ taleb ederim deyü da‘vâ, ol dahi cevâbında meblağ-ı bâkī-i merkūm zimmetinde deyni olduğunu ikrâr ü i‘tirâf ve târih-i i‘lâmdan beş gün mürûrunda müdde‘î-i mezbûr Mehmed Kadri Efendi’ye edâ ve teslîme mezbûr İbrahim ta‘ahhüd eylediği tescîl ve bi’l-iltimâs huzûr-ı âlîlerine i‘lâm olundu. Fî 5 min-N sene 1206