Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 733 Hüküm no: 1207 Orijinal metin no: [99a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alemdar Mehmed’in Hasan Ağa’daki alacağını tahsil ettiği Ma‘rûz; Mahmiye-i İslâmbol’da Laleli’de sâkin sâhib-i arzuhâl Alemdar Mehmed b. Ahmed nâm kimesne medîne-i Üsküdar’da mahfil-i bâbda meclis-i şer‘-i hatîrde derûn-ı arzuhâlde ismi mezkûr Hasan Ağa b. Hüseyin nâm kimesne tarafından ber-vech-i âtî vekîl olduğu Mustafa b. Hasan ve Mehmed b. İbrahim nâm kimesneler şehâdetleriyle sâbit olan li-ebeveyn karındaşı Ahmed b. Hüseyin mahzarında müvekkil-i mezbûr Hasan Ağa târih-i i‘lâmdan on bir ay mukaddem vilâyet-i Anadolu’da Bolu kazâsında voyvoda kethudâsı olup benden bi-gayrı hakkın iki yüz elli guruşumu ahz etmekle taleb ederim deyü da‘vâsından an-inkârin yüz yirmi beş guruş bedel-i makbûz mukābelesinde vekîl-i mezbûr Ahmed Ağa ile sulh olup ziyâde müdde‘âsı olan yüz yirmi beş guruşa müte‘allika âmme-i de‘âvîden müvekkil-i mezbûr Hasan Ağa’nın zimmetini ba‘de’l-ibrâ ve’l-kabûl kat‘-ı münâza‘a eyledikleri mübâşiri çavuş kulları iltimâsıyla huzûr-ı âlîlerine i‘lâm olundu. Fî 9 min-N sene 1206