Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 734 Hüküm no: 1208 Orijinal metin no: [99a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Külhancı Semaven v. Haçador’un hamamda dumandan boğularak öldüğünün tespit olunduğu Ma‘rûz; Bi’l-iltimâs kıbel-i şer‘-i şerîfden meb‘ûs Ahmed Efendi dâ‘îleri ve Üsküdar çorbacısı ve sâir mazbûtü’l-esâmî Müslimîn ile medîne-i Üsküdar’da vâki‘ Ahmed Ağa’nın bi’l-icâreteyn tasarrufunda olan Hamam-ı sagīr demekle ma‘rûf hamamın cehennemi bu esnâda tathîr ve ta‘mîr olunur iken tüfenk ta‘bîr olunur hamam-ı mezkûrun demiri zikr olunan cehenneme düşüp târih-i i‘lâm günü ihrâc içün zikr olunan cehenneme duhûl edip hâlik olan Külhancı Semaven v. Haçador nâm zimmînin üzerine varıp a‘zâsına nazar eylediklerinde eser-i cerh ve hank misillü nesne olmayıp ancak sol elinin parmakları ve yüzünün üç yerinden derisi sıyrılıp duhânın kesretiyle bunalıp hâlik olduğunu ba‘de’l-keşf ve’l-mu‘âyene hâlik-i merkūmu zîr-i hâke ilkāya izin birle vâki‘ hâli mezbûr da‘îleri mahâllinde ba‘de’t-tahrîr ve’l-inhâ huzûr-ı âlîlerine i‘lâm olundu. Fî 2 min-Ş sene 1206