Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 734 Hüküm no: 1209 Orijinal metin no: [99a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahbube Hanım’ın Mehmed b. Mehmed’deki alacaklarını tahsil ettiği Ma‘rûz; Medîne-i Üsküdar’da Bulgurlu mahallesinde sâkine mu‘arrefetü’z-zât Mahbube bt. Abdullah nâm hatun medîne-i mezbûrede meclis-i şer‘-i hatîrde Mehmed b. Mehmed mahzarında mezbûr Mehmed bin yüz doksan yedi senesi Rebî‘ülevvelinin yirmi beşinci günü târihiyle müverrah işbu yedimde olan bir kıt‘a deyn temessüğü nâtıka olduğu üzere zevcim gāib ani’l-meclis Mustafa nâm kimesne yediyle yedimden bi-tarîki’l-karz istidâne ve kabz eylediği yüz kırk dokuz guruş hakkımın yirmi sekiz buçuk guruşunu yedinden ahz ü istifâ ve yüz yirmi buçuk guruş zimmetinde bâkī kalmağla taleb ederim deyü müdde‘iye-i mezbûre ber-vech-i muharrer eylediği da‘vâsından bâ-tavassut-ı muslihîn yüz guruş bedel mukābelesinde mezbûr Mehmed ile sulh olup ziyâde müdde‘âsı olan yirmi buçuk guruşa müte‘allika âmme-i de‘âvîden mezbûr Mehmed’in zimmetini ba‘de’l-ibrâ ve’l-kabûl kat‘-ı münâza‘a eyledikleri Üsküdar Bâb Mahkemesi’nde ba‘de’t-tescîl bi’l-iltimâs huzûr-ı âlîlerine i‘lâm olundu. Fî 7 min-N sene 1206