Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 735 Hüküm no: 1211 Orijinal metin no: [99b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koru Zabiti İsmail Ağa b. Hüseyin’in emanet olarak aldığı atı sahibi Mehmed Beşe b. Abdulkadir’e teslim etmesi gerektiği Ma‘rûz Medîne-i Üsküdar’a tâbi‘ Kādı karyesi sükkânından Mehmed Beşe b. Abdulkadir nâm kimesne medîne-i mezbûrede mahfil-i Bâb’da meclis-i şer‘-i hatîrde zikri âtî bârgire bi’l-emâne vâzı‘ü’l-yed olan koru-yı hümâyûn zâbiti İsmail Ağa b. Hüseyin mahzarında işbu meclis-i şer‘de mu‘âyene olunan bir re’s kır bârgir yedinden zâyi‘ olmağla bi’l-istihkāk altı gün mukaddem medîne-i mezbûre hâricinde Beşpınarı nâm mahâlde katîlen fevt olan hizmetkârım Mehmed’in yedinden zâyi‘ olmağla bi’l-istihkāk taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını udûlden Bostanî Hüseyin b. Ahmed ve İsmail Beşe b. Ahmed nâm kimesneler şehâdetleriyle vech-i şer‘î üzere muvâcehesinde isbât etmeğin müdde‘î-i mezbûr gıbbe’t-tahlîfi’ş-şer‘î mûcibiyle zikr olunan bârgiri müdde‘î-i mezbûr Mehmed Beşe’ye teslîme mezbûr İsmail Ağa’ya şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 15 min-N sene 1206.