Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 737 Hüküm no: 1215 Orijinal metin no: [100a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bulgurlu Köyü Subaşısı Bostancı Ahmed Ağa’nın kireç ocağı işleten Karabet v. Saycı aleyhine açtığı davanın reddolunduğu Ma‘rûz Medîne-i Üsküdar’a tâbi‘ Bulgurlu karyesi subaşı[sı] Bostanî Ahmed Ağa b. İsmail medîne-i mezbûrede mahfil-i Bâb’da meclis-i şer‘-i hatîrde Kireçci Karabet v. Saycı nâm zimmî muvâcehesinde işbu sene-i mübârekede deruhde ve iltizâm eylediğim karye-i mezbûre hudûdu dâhilinde vâki‘ Çalılık ta‘bîr olunur üç kıt‘a tarla derûnunda kireç hark olunan dört aded kireç fırını merkūm Karabet zimmînin tasarrufunda olup kadîmî mukāta‘a-i ma‘lûmesi kabz olundukdan sonra mukāta‘a-i mezkûreden mâ‘adâ zikr olunan kireç fırınları için sâbık subaşılara ağalık nâmıyla beher ocakdan yirmişer guruşdan cem‘an senede seksen guruş veregelmekle binâen-aleyh ben dahi yirmi guruşu taleb ederim deyü takrîr-i meşrûhu üzere tasaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 7 min-N sene 1206.