Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 739 Hüküm no: 1219 Orijinal metin no: [100a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mustafa’nın bir çift altın kuşağını kendisine iade etmesi için Fatma bt. Ahmed aleyhine açtığı davada iddiasını ispat edemediği Ma‘rûz Medîne-i Üsküdar’da Arakıyeci el-Hâc Cafer mahallesinde sâkine mu‘arrefetü’z-zât Âişe bt. Mustafa nâm hatun medîne-i mezbûrede mahfil-i Bâb’da meclis-i şer‘-i hatîrde kezâlik mu‘arrefetü’z-zât Fatıma bt. Ahmed nâm hatun mahzarında mezbûre Fatıma Hatun târih-i i‘lâmdan altı ay mukaddem kırk sekiz guruş kıymetli sekiz miskāl bir çift altın kuşağımı yedine bi-tarîki’l-emâne teslîm etmemle mevcûd ise aynını müstehleke ise ba‘de’s-sübût kıymet-i mezkûresini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyân ve isbâta kādir olamayıp tahlîfe dahi tâlibe olmamağla mûcibiyle müdde‘iye-i mezbûre husûs-ı mezkûrda mezbûre Fatıma Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 4 min-Ş sene 1206.