Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 739 Hüküm no: 1220 Orijinal metin no: [100a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Marve bt. Abdullah’ın boşandığı kocasından eşyalarını teslim alması Ma‘rûz Medîne-i Üsküdar’da Haccehatun mahallesinde sâkine mu‘arrefetü’z-zât Marve bt. Abdullah nâm zenciye medîne-i mezbûrede mahfil-i Bâb’da meclis-i şer‘-i hatîrde zevc-i sâbıkı İbrahim b. Osman nâm kimesne muvâcehesinde mezbûr İbrahim târih-i i‘lâmdan on beş gün mukaddem beni tatlîk etmekle eşyâ-i memlûkemden dört yasdık ve bir döşek ve dört baş yasdığı ve bir şilte ve dört minder ve beş sahan ma‘a kapak ve üç tencere ma‘a kapak ve bir mangal ve bir tennûr ve bir sebet sandık ve bir topal ve bir orta keçesi ve bir tâbe mezbûr İbrahim’in menzilinde kalıp bi-a‘yunihâ yedinde mevcûd olmağla teslîme tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcibiyle eşyâ-i muharrere-i mezkûreyi müdde‘iye-i zevce-i mezbûre Mavro’ya (Marve’ye) teslîme zevc-i mezbûr İbrahim şer‘an ilzâm olunduğu. Fî-selhi ( ) sene 1206.