Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 740 Hüküm no: 1221 Orijinal metin no: [100a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ebubekir b. Mehmed’in Bostancı Yusuf’tan alacağı olduğu Ma‘rûz Mahmiye-i İslâmbol’da Nûr-ı Osmaniye Câmi‘-i şerîfi kurbünde sâkin Ebûbekir b. Mehmed nâm kimesne medîne-i Üsküdar’da mahfil-i Bâb’da meclis-i şer‘-i hatîrde Bostanî Yusuf b. Ali mahzarında mezbûr Yusuf’un bin iki yüz beş senesi Şa‘bân’ının yirmi birinci günü mâlımdan ve yedimden yirmi bir guruş iktirâz ve kabz edip hattâ meblağ-ı merkūm bana ber-vech-i muharrer deyni olduğunu ikrâr ve mûcebince yedime işbu bir kıt‘a deyn temessüğü dahi i‘tâ etmekle taleb ederim deyü da‘vâ ve mezbûr Yusuf cevâbında ber-vech-i muharrer ikrârını hâvî temessük i‘tâsını ikrâr lâkin müdde‘î-i merkūma babam mezbûr Ali’nin kırk guruş deyni olup binâen-aleyh meblağ-ı merkūm yirmi bir guruşu ben kâziben ikrâr ve temessük i‘tâ etmişdim deyü inkâr etmeğin mezbûr Yusuf meblağ-ı bâkī-i merkūm yirmi bir guruşu ikrârında kâzib olmadığına bi’t-taleb müdde‘î-i merkūm Ebûbekir gıbbe’t-tahlîfi’ş-şer‘î mûcibiyle meblağ-ı bâkī-i merkūm yirmi bir guruşu müdde‘î-i merkūm Ebûbekir’e edâ ve teslîmine mezbûr Yusuf’a şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 4 min-N sene 1206.