Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 742 Hüküm no: 1227 Orijinal metin no: [100b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çoban İstayco’nun Kasap Yani’den alacağı olduğu Ma‘rûz Çoban tâifesinden İstico v. Velho nâm zimmî medîne-i Üsküdar’da mahfil-i Bâb’da meclis-i şer‘[de] Kasab Yani v. Dimitri nâm zimmî muvâcehesinde merkūm Kasab Yani zimmetinde çoban ücretinden bâkī on altı buçuk guruş hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr müdde‘î-i merkūm ber-vech-i muharrer müdde‘âsıhnı beyân ve isbâta kādir olamayıp merkūm Yani zimmîye yemîn teklif olundukda yemînden nükûl etmeğin mûcibiyle meblağ-ı merkūm on altı buçuk guruşu müdde‘î-i merkūma edâ ve teslîme merkūm Yani zimmîye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 23 min- N sene 1206.