Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 743 Hüküm no: 1229 Orijinal metin no: [100b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mustafa’nın kendisi için ayrı ev açan kocası Seyyid Ali’yle oturmaya söz verdiği Ma‘rûz Medîne-i Üsküdar’da Atpazarı kurbünde sâkin es-Seyyid Ali b. Hasan nâm kimesne medine-i mezbûrede mahfil-i Bâb’da meclis-i şer‘-i hatîrde hâlâ zevcesi mu‘arrefetü’z-zât Zeyneb bt. Memiş nâm hatun mahzarında mezbûre Zeyneb Hatun bundan akdem benim ile ma‘an ebeveynim menzilinde iskân etmekle bu esnâda büyük vâlidesi işbu hâzıra bi’l-meclis Âişe bt. Mustafa nâm hatunun menziline nakl ve ba‘dehû galak ve merâfıkı başka menzilde iskân için benden da‘vâ ve kıbel-i şer‘den bana tenbîh olunmağla binâen-aleyh ben dahi âhar menzil istîcâr etmemle benim ile ma‘an iskâna zevcem mezbûre Zeyneb Hatun’a tenbîh olunmak matlûbumdur deyü da‘vâ ve mezbûre Zeyneb Hatun ber-vech-i muharrer zevci müdde‘î-i merkūmun takrîrini tasdîk ve zevci müdde‘î-i merkūm ile ma‘an iskâna ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 8 min-N sene 1206.