Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 744 Hüküm no: 1232 Orijinal metin no: [101a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Ahmed’in zeytin yağı ve bal bedelinden alacağı olduğu Ma‘rûz Mahmiye-i İslâmbol’da Sebzehâne kurbünde sâkin Molla Ahmed b. el-Hâc Abdullah medîne-i Üsküdar’da mahfil-i Bâb’da meclis-i şer‘-i hatîrde Bakkāl Yorgi v. Rali nâm zimmî muvâcehesinde merkūm Bakkāl Yorgi zimmî bundan akdem yedimden iştirâ ve kabz eylediği vezn ve fiyâtı beynimizde ma‘lûm revgan-ı zeyt ve asel semenlerinden ba‘de külli’l-hesâb bâkī on sekiz guruş on iki para zimmetinde kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı bâkī-i merkūm on sekiz guruş on iki paranın müdde‘î-i mezbûra edâsıyla merkūm Bakkāl Yorgi zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 19 min-şehri Ramazan sene 1206.