Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 746 Hüküm no: 1235 Orijinal metin no: [101a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin tütün bedelinden alacağı olduğu Ma‘rûz Mahmiye-i İslâmbol’da Aksaray kurbünde sâkin Mehmed Beşe b. Ahmed medîne-i Üsküdar’da mahfil-i Bâb’da meclis-i şer‘-i hatîrde Yakub Beşe b. Veliyüddin mahzarında târih-i i‘lâmdan beş ay mukaddem mezbûr Yakub Beşe yedimden iştirâ ve kabz eylediği beş vakıyyesi elli yedişer paraya olmak üzere yüz buçuk vakıyye duhân semeninden yüz kırk üç guruş yedi para hakkımın kırk guruşunu yedinden ahz ü kabz ve doksan dört guruş yedi parası zimmetinde bâkī hakkım kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını lede’t-tezkiye adâletleri zâhir olan Hüseyin Beşe b. Hasan ve Abdurrahman Ağa b. Mehmed nâm kimesneler şehâdetleriyle isbât etmeğin mûcibiyle meblağ-ı bâkī-i merkūm doksan dört guruş yedi parayı müdde‘î-i mezbûr Mehmed Beşe’ye edâya mezbûr Yakub Beşe’ye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 25 min-Ş sene 1206.