Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 750 Hüküm no: 1242 Orijinal metin no: [102a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa oğlu Ali ve Halil’in babalarının borcu için fazla ödeme yaptıkları iddiasıyla açtıkları davada iddialarını ispat edemedikleri Ma‘rûz Medîne-i Üsküdar’a tâbi‘ Bulgurlu karyesi sâkinlerinden Ali ve Halil ibney Mustafa nâm karındaşlar meclis-i şer‘-i hatîrde Araboğlu Mustafa b. Ahmed nâm kimesne mahzarında mezbûr Araboğlu Mustafa yedinden bundan akdem babamız mezbûr Mustafa bir kıt‘a temessük mantûkunca istidâne ve kabz eylediği sekiz yüz elli guruşun üç yüz altı guruşunu müdde‘î-i mezbûr Araboğlu Mustafa’ya def‘ ü teslîm yirmi dört guruşu dahi tenzîl olundukdan sonra bâkī beş yüz yirmi guruşu babamız mezbûr Mustafa’dan ahz edip lâkin babamız mezbûrun deynine mahsûben biz kendi mâlımızdan yüz kırk sekiz guruş ziyâde medfû‘umuz olmağla meblağ-ı merkūm yüz kırk sekiz guruşu mezbûr Araboğlu Mustafa’dan istirdâd ederiz deyü ba‘de’d-da‘vâ ve’l-istintâk ve’l-inkâr müdde‘iyân-ı mezbûrân ber-vech-i muharrer müdde‘âlarını beyâna kādir olamayıp bi’t-taleb mezbûr Araboğlu Mustafa gıbbe’t-tahlîfi’ş-şer‘î mûcibiyle müdde‘iyân-ı mezbûrân Ali ve Halil husûs-ı mezkûrda bilâ-beyyine mu‘ârazadan men‘ olundukları bi’l-iltimâs huzûr-ı âlîlerine i‘lâm olundu. Fî 5 min-L sene 1206.