Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 753 Hüküm no: 1246 Orijinal metin no: [102b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aranos’un Aleksan aleyhine açtığı davanın daha önceden görüldüğü için reddolunduğu Ma‘rûz Medîne-i Üsküdar’da Toptaşı Hamamı külhanında mütemekkin külhancı Aranos v. Asvador nâm zimmî meclis-i şer‘-i hatîrde Aleksan v. Vartan nâm zimmî muvâcehesinde târih-i i‘lâmdan on sene mukaddem Atpazarı’nda han odasında mütemekkin iken emlâkimden otuz guruşumu merkūm Aleksan bi-gayrı hakkın ahz etmekle taleb ederim deyü dava merkūm Aleksan cevâbında müdde‘î-i merkūm meblağ-ı merkūmu târih-i merkūmda kezâlik benden da‘vâ ben dahi inkâr etmemle ityân-ı beyyineden izhâr-ı acz edip talebiyle ben tahlîf-i şer‘î olunduğumdan sonra müdde‘î-i mezbûr bilâ-beyyine mu‘ârazadan men‘ olunmuşdu deyü eylediği def‘ini müdde‘î-i merkūm Aranos zimmî ikrâr ve i‘tirâf etmekle mûcibiyle müdde‘î-i merkūm Aranos zimmî kemâ-fi’l-evvel mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 10 min-L sene 1206.