Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 755 Hüküm no: 1250 Orijinal metin no: [103a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tülbentçi Bogos’un alacağı olduğu iddiasını ispat edemediği Ma‘rûz Medîne-i Üsküdar’da tülbentçi tâifesinden Bogos v. Bedros nâm zimmî medîne-i mezbûrede mahfil-i Bâb’da meclis-i şer‘-i hatîrde mu‘arrefetü’z-zât Fatıma bt. Mustafa nâm hatun mahzarında târih-i i‘lâmdan üç sene mukaddem mezbûre Fatıma Hatun yedimden iştirâ ve kabz eylediği kıymet ve zirâ‘ı beynimizde ma‘lûm tülbent semeninden ba‘de külli’l-hesâb bâkī on altı guruş yirmi dört para zimmetinde hakkım kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını beyâna ve isbâta kādir olamayıp talebiyle mezbûre Fatıma Hatun gıbbe’t-tahlîfi’ş-şer‘î mûcibiyle müdde‘î-i merkūm da‘vâ-yı mezkûresiyle mezbûre Fatıma Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 10 min-L sene 1206.