Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 756 Hüküm no: 1253 Orijinal metin no: [103a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Poli v. Yani’nin Avanis v. Abraham aleyhine açtığı alacak davasında sulh olduğu Ma‘rûz Medîne-i Üsküdar’da Yenimahalle’de mütemekkin Poli v. Yani nâm zimmî meclis-i şer‘-i hatîrde Avanis v. Abraham nâm zimmî muvâcehesinde merkūm Avanis zimmî târih-i i‘lâmdan iki gün mukaddem yedimden iştirâ ve kabz eylediği yirmi iki vakıyye arak semeninden on üç guruş sekiz parayı taleb ederim deyü da‘vâ eylediği da‘vâsından bâ-tavassut-ı muslihîn beş guruş bedel-i makbûza sulh olup ziyâde müdde‘âsına ve bi’l-cümle husûs-ı mezkûra müte‘allika âmme-i de‘âvîden herbiri âharın zimmetini ba‘de’l-ibrâ ve’l-kabûl kat‘-i münâza‘a eyledikleri bi’l-iltimâs huzûr-ı âlîlerine i‘lâm olundu. Fî 8 min-L sene 1206.