Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 760 Hüküm no: 1260 Orijinal metin no: [103b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Ali’nin alacağı olduğu Ma‘rûz Medîne-i Ebî Eyüb-i Ensârî kurbünde sâkin Mustafa b. Ali nâm kimesne medîne-i Üsküdar’da mahfil-i Bâb’da meclis-i şer‘-i hatîrde Ananosti v. Palo nâm zimmî muvâcehesinde târih-i i‘lâmdan iki sene mukaddem merkūm Ananosti zimmî yedimden istidâne ve kabz ve umûruna sarfla istihlâk eylediği kırk bir guruş hakkımın altı guruşunu yedinden ahz ü kabz ve bâkī otuz beş guruşu zimmetinde kalmağla taleb ederim deyü ba‘de’d-da‘vâ ve’l-ikrâr mûcibiyle meblağ-ı bâkī-i merkūm otuz beş guruşun müdde‘î-i mezbûra edâsıyla merkūm Ananosti zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 16 min-L sene 1206.