Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 760 Hüküm no: 1261 Orijinal metin no: [104a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kıbti Fındık Mahmud’un kefaletlerinden dolayı Serkiz ve Antran’dan alacağı olduğu Ma‘rûz Medîne-i Üsküdar’da Selami mahallesinde sâkin Fındık Mahmud b. Mehmed nâm Kıbtî meclis-i şer‘-i hatîrde bundan akdem gāib ani’l-beled Serope zimmînin işbu yedimde olan mu‘anven ve mersûm bir kıt‘a temessük mantûkunca istidâne ve kabz ve umûruna sarfla istihlâk eylediği yirmi bir guruş hakkımın edâsına işbu hâzır bi’l-meclis Serkiz zimmî ile Antran Nasrâniyeden herbiri bi’l-emr ve’l-kabûl ma‘an kefîl ve zâmin olmalarıyla kefâletlerine binâen taleb eylerim deyü da‘vâ onlar dahi ber-vech-i muharrer kefâlet-i mezkûreyi ikrâr lâkin def‘aten edâya iktidârı olmayıp tecîle tâlib olmalarıyla müdde‘î-i merkūm dahi târih-i i‘lâmdan üç gün tamamında on guruşunu ba‘dehû altmış bir gün tamamında on bir guruşunu edâ ve teslîm eylemek üzere tecîl ve taksît eyledikde merkūmân Serkiz ve Antran dahi ber-vech-i muharrer müeccelen ve mukāssatan edâya ta‘ahhüd ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 9 min-L sene 1206.