Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 762 Hüküm no: 1264 Orijinal metin no: [104a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Narhtan bir akçe fazlasıyla kiraz sattığını ikrar eden Kantarcı Mehmed Emin Efendi’ye tazir cezası gerektiği Ma‘rûz Hâlâ kiras mevsimi olmak hasebiyle taraf-ı devletlerinden beher kıyyesi beşer paraya ibâdullâha bey‘ olunmak üzere erbâbına tenbîh olunmuşken medîne-i Üsküdar’da manav tâifesinden Kantarcı Mehmed Emin nâm kimesne Beşiktaş ve İslâmbol ve mahâll-i sâirede olan muhtekir tâifesine beher kıyyesi beşer para birer akçeye bey‘ ve Üsküdar’da kiras bulunmamak derecesine kıllet ve ol-vechile hilâf-ı tenbîh ihtilâl-i nizâma bâdî olduğunu Üsküdar’da manav tâifesi meclis-i şer‘de iştikâ etmeleriyle mezbûr Mehmed Emin ihzâr ve istintâk olundukda fi’l-hakīka narh-ı rûzîden birer akçe ziyâdeye muhtekir tâifesine bey‘ eylediğini ikrâr etmeğin mezbûr Mehmed Emin li-ecli’t-ta‘zîr iltimâslarıyla huzûr-ı âlîlerine i‘lâm olundu. Fî 26 min-L sene 1206.