Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 762 Hüküm no: 1265 Orijinal metin no: [104a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çengelköyü’ndeki reayanın vergilerini tahsil etmekle görevli Kuzuoğlu Yorgi’nin vergisini ödemek istemeyen Ezmerağda bt. Yamani ile anlaştığı Ma‘rûz Mevâdd-ı şer‘iye istimâ‘ı için bi’l-iltimâs kıbel-i şer‘den meb‘ûs Mehmed Esad Efendi dâ‘îleri medîne-i Üsküdar’a tâbi‘ Çenger karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf etdikde karye-i mezbûrede mütemekkin Kuzuoğlu Yorgi v. Apastol nâm zimmî meclis-i ma‘kūd-ı mezkûrda yine karye-i mezbûrede mütemekkine şahsı mu‘arrefe Ezmerağda bt. Yamandi nâm Nasrâniye muvâcehesinde târih-i i‘lâmdan bir sene mukaddem karye-i mezbûre re‘âyâsının üzerlerine edâsı lâzım gelen tekâlifin kabzına memûr olmamla merkūme Ezmerağda Nasrâniyenin hissesine isâbet eden otuz iki guruşu taleb eylediğimde merkūme Ezmerağda Nasrâniye dahi edâdan imtinâ‘ etmekle beynimizde ba‘de vukū‘i’l-münâza‘a ben matlûbum olan otuz iki guruşun on iki guruşunu tenzîl eylediğimde merkūme Ezmerağda Nasrâniye bâkī yirmi guruşu bana def‘ ü teslîm ben dahi yedinden ahz ü kabz edip bu vechile kat‘-ı münâza‘a eyledik deyü takrîrini merkūme Ezmerağda Nasrâniye tasdîk eylediğini mezbûr dâ‘îleri mahâllinde ba‘de’t-tahrîr ve’l-inhâ huzûr-ı âlîlerine i‘lâm olundu. Fî 20 min-L sene 1206.