Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 766 Hüküm no: 1273 Orijinal metin no: [105a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. İbrahim’in talebi üzerine kiracısının evi boşaltması Ma‘rûz Medîne-i Üsküdar’da Kefçe mahallesinde sâkine mu‘arrefetü’z-zât Âişe bt. İbrahim nâm hatun medîne-i mezbûrede mahfil-i Bâb’da meclis-i şer‘-i hatîrde müşâhereten müsteciri Mehmed Ataullah Ağa b. Mustafa nâm kimesne mahzarında mezbûr Mehmed Ataullah Ağa mahalle-i mezbûrede vâki‘ bir bâb vakıf menzilimde beher şehr onar guruş ücret kavliyle müstecirim olmağla fesh-i icâre birle menzil-i mezkûru tahliye ve bana teslîme tenbîh olunmak matlûbumdur deyü da‘vâ ve mezbûr Mehmed Ataullah Ağa dahi teslîmden imtinâ‘ etmekle beynlerinde ba‘de vukū‘i’l-münâza‘a bâ-tavassut-ı muslihîn mezbûr Mehmed Ataullah Ağa işbu târih-i i‘lâmdan on gün tamamında menzil-i mezkûru tahliye ve müdde‘iye-i mezbûre Âişe Hatun’a teslîme ta‘ahhüd eylediği rızâlarıyla tescîl ve bi’l-iltimâs huzûr-ı âlîlerine i‘lâm olundu. Fî-gurreti Za sene 1206