Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 766 Hüküm no: 1274 Orijinal metin no: [105a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kız kardeşine küfreden Hasan’a tazir cezası verildiği Ma‘rûz Medîne-i Üsküdar’da Solaksinan mahallesinde sâkine mu‘arrefetü’z-zât Âişe bt. Mehmed medîne-i mezbûrede mahfil-i Bâb’da meclis-i şer‘-i hatîrde li-ebeveyn er karındaşı Hasan mahzarında mezbûr Hasan târih-i i‘lâm günü mahalle-i mezbûrede bana bi’l-muvâcehe mûcib-i ta‘zîr olur elfâz-ı kabîha ile bi-gayrı hakkın şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādir olamayıp talebiyle mezbûr Hasan’a yemîn teklif olundukda yemînden nükûl etmeğin mûcibiyle mezbûr Hasan’a şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 2 min-Za sene 1206.