Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 770 Hüküm no: 1280 Orijinal metin no: [105b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah’ın satılan eşyalarının bedeli için açtığı davadan bedelsiz olarak vazgeçtiği Ma‘rûz Medîne-i Üsküdar’da Ahmedçelebi mahallesinde sâkine mu‘arrefetü’z-zât Âişe bt. Abdullah nâm zenciye medîne-i mezbûrede mahfil-i Bâb’da meclis-i şer‘-i hatîrde hâlâ zevci Mehmed b. Mustafa nâm kimesne mahzarında zevcim mezbûr Mehmed târih-i i‘lâmdan yedi ay mukaddem mecmû‘-ı kıymetleri yüz dokuz guruşa bâliğ bir çift altın kuşak ve iki şalî entari ve bir çiçekli entari ve bir penbe zar gömlek ve bir penbe çul gömlek ve bir bez gömlek ve bir çuka ferâcemi evimde âhara bey‘ etmekle kıymet-i mezkûreleri olan meblağ-ı merkūm yüz dokuz guruşu taleb ederim deyü eylediği da‘vâsından bâ-tavassut-ı muslihîn meccânen fâriğa olup zikr olunan eşyâlara ve kıymetlerine ve bi’l-cümle husûs-ı mezkûra müte‘allika âmme-i de‘âvîden zevci mezbûr Mehmed’in zimmetini ibrâ ve ıskāt eylediğinden ol dahi ber-minvâl-i muharrer ibrâsını kabûl ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 11 min-L sene 1206.