Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 772 Hüküm no: 1284 Orijinal metin no: [106a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pilavcı Ahmed Ağa’nın alacağı olduğu Ma‘rûz Medîne-i Üsküdar’da Solaksinan mahallesinde sâkin Pilavcı Ahmed Ağa b. Abdullah nâm kimesne medîne-i mezbûrede mahfil-i Bâb’da meclis-i şer‘-i hatîrde Fatıma bt. Mustafa nâm Kıbtiye muvâcehesinde târih-i i‘lâmdan altı sene mukaddem mezbûre Fatıma’nın gāib ani’l-meclis Hamza nâm Kıbtîden iştirâ eylediği menzil ve dükkân yeri semenlerinden yirmi beş guruş ve eşyâ semeninden dahi on beş guruş ki cem‘an kırk guruş deynini bi-şarti’r-rücû‘ emriyle gāib-i mezbûra ben mâlımdan edâ ve teslîm edip hattâ mezbûre Fatıma meblağ-ı merkūm kırk guruş bana deyni olduğunu müş‘ir bir kıt‘a temessük dahi yedime i‘tâ etmekle meblağ-ı merkūm kırk guruşu bi’l-mürâca‘a taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm kırk guruşu müdde‘î-i mezbûra edâsıyla Fatıma şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-Zilka‘de sene 1206.