Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 772 Hüküm no: 1286 Orijinal metin no: [106a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Sava’nın alacağı olduğu Ma‘rûz Medîne-i Üsküdar’da Dârü’s-sa‘âdeti’ş-şerîfe ağası kurbünde Bakkāl Sava v. Anaştaş nâm zimmî tarafından ber-vech-i âtî vekîl olduğu Mirail v. Kayser ve Yuvan v. Doriş nâm zimmîler şehâdetleriyle sâbit olan Nikola v. Menail nâm zimmî medîne-i mezbûrede mahfil-i Bâb’da meclis-i şer‘-i hatîrde diğer Nikola v. Yuvan nâm zimmî muvâcehesinde merkūm diğer Nikola zimmî bin iki yüz altı senesi Ramazani’l-mübârek’in yirmi beşinci günü târihiyle müverrah işbu yedimde olan bir kıt‘a deyn temessüğü nâtıka olduğu üzere müvekkilim merkūm Sava zimmî yedinden bi-tarîki’l-karz istidâne ve kabz eylediği yüz dört guruş zimmetinde hakkı olmağla bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm yüz dört guruşun edâsıyla merkūm diğer Nikola zimmî ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-Za sene 1206.