Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 773 Hüküm no: 1287 Orijinal metin no: [106a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Ahmed’in borcu olduğu Ma‘rûz Medîne-i Üsküdar’a tâbi‘ Orta karyesinde vâki‘ mescid-i şerîf vakfının mütevellîsi es-Seyyid el-Hâc Süleyman b. es-Seyyid Hüseyin medîne-i mezbûrede mahfil-i Bâb’da meclis-i şer‘-i hatîrde Hasan b. Ahmed mahzarında mezbûr Hasan zimmetinde mâl-ı vakf-ı mezbûrdan bâ-istiğlâl-i menzil elli beş guruş ve menzil-i mezkûr ücretinden işbu târih-i i‘lâma gelince müctemi‘ olan on beş guruş para ki cem‘an yetmiş guruş beş parayı taraf-ı vakıf için mezbûr Hüseyin’den [Hasan’dan] taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını Molla Abdullah b. Mehmed ve Veli Ağa b. el-Hâc Süleyman nâm kimesneler şehâdetleriyle ber-nehc-i şer‘î muvâcehesinde isbât etmeğin mûcibiyle meblağ-ı merkūm yetmiş beş guruş beş parayı müdde‘î-i mezbûr el-Hâc Süleyman’a edâ ve teslîme mezbûr Hüseyin’e [Hasan’a] tenbîh olunduğu bi’l-iltimâs huzûr-ı âlîlerine i‘lâm olundu. Fî 2 min-Za sene 1206.