Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 774 Hüküm no: 1290 Orijinal metin no: [106a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tablacı Serkiz’in sattığı ekmek bedelinden alacağı olduğu Ma‘rûz Medîne-i Üsküdar’da Kolluk kurbünde etmekçi dükkânında mütemekkin Tablakâr Serkiz v. Avak nâm zimmî medîne-i mezbûrede mahfil-i Bâb’da meclis-i şer‘-i hatîrde Maryem bt. Artin nâm Nasrâniye muvâcehesinde merkūme Maryem Nasrâniye târih-i i‘lâmdan dört ay mukaddem yedimden iştirâ ve kabz eylediği nân-ı azîz semeninden on guruş altı para zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm on bir guruş altı paranın edâsıyla merkūme Maryem Nasrâniye şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 7 min-Za sene 1206.