Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 775 Hüküm no: 1292 Orijinal metin no: [106b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahveci Seyyid Mehmed’in açtığı alacak davasının yasal olmadığı Ma‘rûz Mahrûse-i Galata’ya muzâfe Beşiktaş kasabasında vâki‘ câmi‘-i şerîf kurbünde Kahveci es-Seyyid Mehmed b. Mustafa medîne-i Üsküdar’da mahfil-i Bâb’da meclis-i şer‘-i hatîrde Vasilaki v. Yanaki zimmî muvâcehesinde merkūm Vasilaki zimmî târih-i i‘lâmdan yedi ay mukaddem bir zimmîye on sekiz buçuk guruş deyni için kesemi alıp ta‘dâd etmeksizin ol zimmîye devretmekle meblağ-ı merkūm on sekiz buçuk guruşu merkūm Vasilaki zimmîden taleb ederim deyü takrîri üzere mechûlü’l-ad ve kese devriyle tasaddî eylediği da‘vâsı şer‘an mesmû‘a olmayıp bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 8 min-Za sene 1206.