Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 780 Hüküm no: 1299 Orijinal metin no: [107b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Fatma’nın kendisine küfrettiği iddiasıyla Ayşe bt. Mehmed Emin aleyhine açtığı davada iddiasını ispat edemediği Ma‘rûz Medîne-i Üsküdar’da Bulgurlu mahallesinde sâkine Şerife Fatıma bt. es-Seyyid Haşim Mehmed’in vâlidesi ve tarafından vekîl-i şer‘îsi mu‘arrefetü’z-zât Hadice bt. Hüseyin mahfil-i Bâb’da meclis-i şer‘-i hatîrde kezâlik zâtı mu‘arrefe [Âişe] bt. Mehmed Emin nâm hatun mahzarında mezbûr Âişe târih-i i‘lâmdan iki gün mukaddem kızım müvekkile-i mezbûre Şerife Fatıma için benim zevcime varacak imiş deyü itâle-i lisân eylediğinden mâ‘adâ benim zevcim seni takbîl ve ta‘zîri mûcib kelimât ile şetm ve kızı müvekkile-i mezbûrenin ırzını hetk etmekle mûcibini bi’l-vekâle taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyâna kādire olamayıp talebiyle mezbûre Âişe Hatun gıbbe’t-tahlîfi’ş-şer‘î mûcibiyle müdde‘iye-i müvekkile-i mezbûre husûs-ı mezkûr için mezbûre Âişe Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 17 min-Za sene 1206.