Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 788 Hüküm no: 1309 Orijinal metin no: [109a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hacı İbrahim’in alacağı olduğu Ma‘rûz Mevâdd-ı şer‘iye istimâ‘ı’çün bi’l-iltimâs savb-ı şer‘-i enverden meb‘ûs Mehmed Salih Efendi dâ‘îleri irsâl olunup ol dahi medîne-i Üsküdar’a tâbi‘ Kādı karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf etdikde karye-i mezbûrede sâkin es-Seyyid el-Hâc İbrahim b. Mustafa nâm kimesne meclis-i ma‘kūd-ı mezkûrda Süleyman b. Ahmed nâm kimesne mahzarında târih-i i‘lâmdan dokuz ay mukaddem mezbûr Süleyman Beşe yedimden istikrâz ve kabz ve umûruna sarfla istihlâk eylediği elli guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm elli guruşun müdde‘î-i mezbûra edâ ve teslîme mezbûr Süleyman Beşe şer‘an ilzâm olunduğunu mezbûr dâ‘îleri mahâllinde ba‘de’t-tahrîr ve’l-inhâ huzûr-ı âlîlerine i‘lâm olundu. Fî 26 min-Za sene 1206.